Status båtlaget per nov.17

Laget har lagt bak seg ein hektisk vår og haust med høg og omfattande aktivitet, me har tikka av alle milepålane som planlagt.

Første anleggsmilepåle er unnagjort for vår del, heile anlegget vårt er no demontert og frakta til Borgundøy for lagring til Mars 2018.

Avtale på området i sjø i Bjellebøvågen er på plass med grunneigar, og oppfølging av anlegget i lagringsperioden er avklart. Oppsummert så var Borgundøy alternativet ein kjempegod ide, dette alternativet var gunstigast for oss mtp. gjennomføring og økonomi.

Styret ynskjer å belyse den formidable dugnadsinnsatsen som er utført på ettersommaren, mykje god kompetanse er samla i laget, mange gode idear om hamn og lagring er komne opp og behandla i saman, fleire har stilt egne båtar til disposisjon, og fleire har jobba dugnad langt over det som kan forventast. – Tusen takk alle.

Me går no inn i ein periode med mindre aktivitet i forhold til drift av hamna. Fokuset no er å jobba inn mot utbyggjar på prosjekteringa, her er me allereie i gang med detaljar på innfesting av brygger, innvendig romindeling i fasilitetar på land og koordinering av teknisk anlegg.

Også i prosjekteringsarbeidet er me så heldige at me har medlemmar å spele på, det betyr at me kan levere detaljert input direkte inn i programma til utbyggjar og på den måten ivareta våre behov på ein god måte.

Når me kjem litt ut på nyåret så kjem aktiviteten til å ta seg opp og behov for dugnad auke på, innfesting av anlegget til ny kaifront kan skje så snart pæling og dekket er ferdigstilt, pr. i dag så er dette skissert til mars 2018.

Når me kjem til mars 2018 er det også tid for Årsmøte og val, fleire funksjonar i styret står på val og Valkomiteen vil starte sitt arbeid i forkant av dette. Styret planlegg å leggje Årsmøtet så tett oppunder rigging av ny havn som mulig, då kan me få samla flest mogleg medlemmar, takke for innsats, påskjønning av ekstraordinær innsats og ikkje minst begeistre oss i lag over kva me har klart å få til saman.

Å skaffe midlertidige båtplassar, og med minst mulig konsekvens for medlemmene har det blitt jobba strukturert og godt med, det er ein tidkrevjande og flott innsats som er lagt ned i dette arbeidet. Me håpar at alle som har fått tilvist midlertidig plass ligg godt, er merka iht. utsendt informasjon og at de som vanleg ser etter båt og fortøyningar gjennom vinteren.

Styret vil med dette takka for god ånd og innsats så langt i 2017.

Øystein Kvalvik, leiar

27.10.17